Brá verslun er hugarfóstur Báru Atladóttur sem byrjaði ung að sauma á sig föt á gamla saumavél móður sinnar á eldhúsborðinu heima. Hún stofnaði litla Facebook síðu árið 2015 & seldi þar undir eigin nafni fyrstu árin. Árið 2017 opnaði BRÁ í litlu 60fm verslunarhúsnæði á Laugarvegi 35. Eftir 2 ár á Laugaveginum fluttum við í stórglæsilegt 200fm verslunarhúsnæði í Mörkinni 3 þar sem draumurinn um saumastofu rættist & eftir 2 stutt ár þar vorum við búin að sprengja þessa 200 fm utan af okkur og fluttum við yfir götuna í Mörkina 1 í tæpa 600 fm og nú fer meirihlutinn af framleiðslunni fram þar ásamt allri hönnunar & prótótýpu vinnu. Við framleiðum staka hluti erlendis til þess að taka álagið af okkur & þá getum við líka gert skemmtilegri flíkur sem eru ekki fjöldaframleiddar þar.